Tukuna ō koutou reo kia rere ngātahi ki ō mātou, kia taiea anō ai tā tātou whakarewa i te Ahurei ki TIRA i te Papa o Aotea.

Whakapiri mai ki a Hollie Smith, ki te Kapa Haka o Hātea, otirā, ki ētahi tira waiata nō ngā pito huri noa i Tāmaki Makaurau, kia waiata ngātahitia ai tētahi kohinga waiata rongonui.

Tekau mā whā tau ki muri, i raro i te maru o Puketāpapa, ā, mai anō i te kohinga waiata o te kiriata angitu a Toa Fraser, o No. 2, i haruru mārika ngā aratuku i a Hollie Smith me tana whakaritenga o te waiata a Don McGlashan, o ‘Bathe in the River’. Toru tekau mā whitu wiki tēnei waiata i te rārangi angitu 40 e tau ana, me te aha, kua titia ki ngā ngākau o te motu, ā, kua aroha nuitia a Hollie Smith hei reo makau o Aotearoa. Hei whakatuwhera i te Ahurei Toi o Tāmaki Makaurau mō tēnei tau, ka whakahoungia tēnei kura waiata e Hollie Smith i tāna waiata ki te reo Māori.

Mai i ‘Bathe in The River’ ki te Waiata Matua o te Motu ka karawhiua ki te reo Māori, atu i tētahi waiata e ū nei ki te rangi o 'Bohemian Rhapsody' ki ētahi waiata rōreka a Hollie Smith, e anga nei tātou ki te tuku ngātahi i ō tātou reo kia ngātoro ki ngā rangi i TIRA 2020.

Haere noa mai i te pō tonu ka waiata tahi mai ai, piri mai rānei ki ngā whakaharatau mā te katoa tōmua atu i te huihuinga nei.

Ngā Mihi

Ringatohu Auaha Tama Waipara
Ringatohu Puoro Steven Rapana

Ko ētahi o ngā kaiwaiata
Hollie Smith
Hātea Kapa Haka
Ngā tira waiata o Tāmaki Makaurau

Nā Eu-Lee Teh te whakaahua 
Ko Troy Kingi rāua ko Ria Hall e tū ana ki TIRA, 7 Poutūterangi 2019

He mea tautoko nā

Stout Trust Black2

Foundation North8CNZ smaller6