I te tīmatanga ko te kore, ko te pō...

Whakaarohia tētahi ao e noho nei koe i te pō, ao te pō, he ao e herea pūtia ai te tirohanga tūturu ki rongo kē atu, ā-pā, ā-oro, ā-kare ā-roto anō. He mahinga ngātahi a Ka Pō, Ka Waiata e mahi tahi ai ētahi pūkenga puoro ki te auaha i ētahi hua oro, i ētahi taiao oro anō mō te pō.

He haumako te pō, he wāhi auaha, he whakaihiihi, he wāhi mōmona, he hōhonutanga whakapapa anō. I te pō ka waiatatia ko te orokohanganga mai o te ao, ā, ko tā Ka Pō, Ka Waiata, he raranga i ngā whakapaparanga o te oro, o te orokohanganga mai anō o te ao...

Ka puta ki te whai ao, ki te ao mārama. Tihei mauri ora.

He mea waihanga nā ngā pūkenga puoro, nā ngā pūkenga waiata hoki, nā Warren Maxwell rātou ko Teina Moetara, ko Tama Waipara, ko Whirimako Black, ko Horomona Horo, ko Waimihi Hotere, ā, he mea raranga i ngā tukuhanga puoro mataora ki ētahi hopunga oro.

Ngā Mihi

Nā Zak Waipara te whakaahua

 

He mea tuku ngātahi me
Te Tairawhiti4

He mea tautoko nā

Stout Trust Black4

I te pō ka waiatatia ko te orokohanganga mai o te ao.

All Auckland Arts Festival shows were cancelled as a result of the impact of COVID-19 (coronavirus). Some exhibitions are providing online galleries. Up-to-date information, including information about refunds, is here.